دانلود آهنگ بیاد ابوالفضل حیدری از بهنام حسن زاده

|──── ♭♩♬♫♪ ────|

ابوالفضل بوردی مره مریض هاکردی

می سبز بهار ره پاییز هاکردی

اسا امه قبر سر امه کشونه

تی خاطرات هیچوقت از یاد نشونه

حال و روز دل غش بیه ته بوردی

دل اتا وصله تش بیه ته بوردی

گمون کمه می جان بورده تی همراه

می تن بی جان نش بیه ته بوردی

تک و تنها بیه پسر مار بمیره

دوسته شی بار سفر مار بمیره

پسر می باغ گل وه مار بمیره

بوینین بیه پرپر مار بمیره

برمه زالری کمه تی دا بمیرم

می آرزو وه تره داماد بوینم

الهی تش بییره دنیایی دل ره

لال هاکرده می خش خون بلبل ره

اسری دریو بیه می چشی کنار

پسر پسر گمه و دل نییرنه قرار

از دست فقیری می دل مشت خونه

اسیری گت هاکردمه ابوالفضل پهلوون ره

ابوالفضل جان کجه بوردی مار تیسه بی قراره

تی عکس ره کشه گیرنه و لعنت کنه دنیا ره

بعد تو چهار محلی محله دمند و لاله

جان پیر مثل ککی شو و روز زنه ناله

ته بوردی می چشی اسری بسوته

می هیرا هیرا و کلی بسوته

بهاری لال کوک بیمه تی خاطر

می خنده و دل خشی بسوته

بهاری چلچلا بیمه و ته نیمویی

کوهی ابری هوا بیمه و نیمویی

گتی خومه تو می لـله بواش

بشکسته لـله وا بیمه و نیمویی

ته بوردی می چشی اسری راه دکته

می ساکت دل هیرا دکته

لـله زمه می غم اتا سر او وونه

می تنگ هاییته دل تیسه کهو وونه

صوایی چشم به یاد ته وونه وا

دلتنگی کمه و تا می روز شو وونه

|──── ♭♩♬♫♪ ────|